Isang “Pinabli Award” ang iginawad sa LGU Bayambang ng Red Cross noong August 12, matapos nitong makapagkolekta ng 465 bags ng dugo sa loob lamang ng isang taon mula 2021 hanggang 2022. Malaking tulong ang mga nakolektang dugong ito sa Blood Services Program ng Philippine Red Cross – Pangasinan Chapter, na ang layunin ay makapagdugtong ng buhay ng mga pasyenteng nagangailangan.

Naging matagumpay ang bawat blood donation drive na isinagawa sa bayan dahil sa masisipag na duktor ng bayan at mga empleyado ng RHU I, II, at III.

At ang bilang na 465 bags ay naabot dahil sa malasakit sa kapwa ng bawat donor na Bayambangueño, kaya’t ang parangal na ito ay hindi lamang para sa LGU kundi para sa lahat ng nagsakripisyo sa pagdodonate ng dugo.

[smartslider3 slider=2320]