Sa ikalawang linggo ng Pebrero, inanunsyo ni Municipal Environment and Natural Resources Officer Joseph Anthony F. Quinto na muling nasungkit ng Brgy. Tococ East ang kategorya ng pinakamalinis na barangay sa Bayambang, matapos ang evaluation ng Bali-Balin Bayambang team para sa buwan ng Enero 2023. Ang awarding ay ginanap noong February 13, matapos ang flag ceremony sa Balon Bayambang Events Center.

Bilang grand winner, nakatanggap ang Brgy. Tococ East sa pamumuno ni Punong Barangay Roy Camacho ng P25,000, bukod pa sa P10,000 sa pagiging district winner.

Ang mga cash prize ay donasyon nina Special Assistant to the Mayor, Dr. Cezar T. Quiambao, at Mayor Niña Jose-Quiambao.

Narito ang mga nagwaging pinakamalinis na barangay kada distrito sa Bayambang para sa Enero 2023:

District 1 – Ambayat 1st

District 2 – Manambong Parte

District 3 – Sancagulis

District 4 – Tatarac

District 5 – Inirangan

District 6 – Tococ East

District 7 – Bani

District 8 – Mangayao

District 9 – Poblacion Sur

Grand Winner – Tococ East