Malugod na sinalubong ng Municipal Tourism, Information and Cultural Affairs Office at St. Vincent Ferrer Prayer Park management ang 21 travel and tour operators at tourism stakeholder mula sa Metro Manila noong November 21, kasama ang Department of Tourism Region I at Pangasinan Provincial Tourism and Cultural Affairs Office.

Kasamang muli ang Bayambang sa itinerary ng travel exchange program na ito, kung saan ang mga bisita ay ipinasyal sa Saint Vincent Prayer Park sa Brgy. Bani at Silver Concha Wave Pool Resort sa Brgy. Malimpec. Ang mga bisita ay namangha sa Prayer Park at nag-enjoy tumikim ng mga pagkaing tatak Bayambang gaya ng O-Krantz products at Sancagulis rice crackers.