Tinurn-over ni Mayor Niña Jose-Quiambao ang susi ng service vehicle na dinonate ng Centro Verde sa Brgy. Bani, at ito naman ay tinanggap ni Bani Punong Barangay at Liga ng mga Barangay President Rodelito Bautista noong October 3 sa Balon Bayambang Events Center.

Naging kinatawan ng Centro Verde sina 1Premiere Land Marketing Co. (1PLMCo.) President Augustine C. Cayabyab Jr., na tubong Brgy. Bani, at 1PLMCo. Executive Vice-President Ms. Ellen A. Dimaculangan at kanilang staff. (Ang 1PLMCo. ang marketing arm ng Sta. Lucia Land Inc. at Sta. Lucia Realty & Development Inc.)

Witness sa turnover ng buong LGU, kasama sina Vice-Mayor Ian Camille Sabangan at mga miyembro ng Sangguniang Bayan.

Ayon kay Pres. Cayabyab, ang pagdonate ng Centro Verde ng service vehicle ay mula sa kanyang puso dahil isa siyang bona fide Bayambangueño, isinilang at lumaki mismo sa Brgy. Bani. “Masayang magbigay kang muli kung saan ka nanggaling,” aniya.

Sa bandang huli ng turnover ceremony, pumirma sina G. Cayabyab Augustine at Mayor Niña para sa Deed of Donation.