Ako ay taos-pusong nanunumpa na pahahalagahan ko at itataguyod ang mga magagandang pagbabago na sinimulan laban sa kahirapan, hindi lang para sa aking sarili, kung hindi para sa aking kapamilya, sa aking mga kabarangay, at higit sa lahat ang minamahal kong mga kababayan ng Bayambang.

Sisimulan ko ang pagkilos laban sa kahirapan. Magiging kaisa ako sa mga lehitimong adhikain ng kasalukuyang administrasyon na wakasan ang kahirapan sa Bayambang, sa lalong madaling panahon.

Sisikapin kong gawin sa abot ng aking makakaya, sa pamamagitan ng paggamit ng kalakasan na ipinagkaloob ng Poong Maykapal, na makapagbigay ng walang pagiimbot na kontribusyon upang matigil ang kahirapan.

Lahat ng mga ito ay aking gagawin upang sama-sama tayong maglakbay tungo sa isang pamayanan na nakibaka at napagwagian ang laban sa kahirapan; na ang bawat mahirap ay makabangon mula sa pagkakasadlak sa kawalan.

Wakasan ang kahirapan! Mabuhay ang Balon Bayambang!

[smartslider3 slider=276]