Nakiisa ang Sangguniang Kabataan Federation ng Bayambang sa pangunguna ni SK Federation President Gabriel Tristan P. Fernandez sa isinagawang 2023 Research Congress na pinamagatang “Lumen” ng Bayambang National High School noong June 23.

Ito ay ginanap sa Balon Bayambang Events Center sa temang “Illuminating the Minds of the Youth for a Brighter Future,” at inorganisa ng Bayambang National High School sa pamamagitan ng gurong si Mr. Joshua Joye O. Caguioa at sa pakikipag-ugnayan sa SK Federation, na siya ring nagdonate ng mga papremyo.

Layon ng ikalawang BNHS Research Congress ang maitampok ang mga “discoveries, innovation, and creative solutions” ng mga estudyante para sa isang suliraning panlipunan sa napili nilang hanapan ng solusyon.

May 23 na grupo ang sumali mula sa iba’t-ibang strands ng senior high school, at 4 na entry ang itinanghal na best research.

Nagwaging kampeon ang research na “HeRo: A Raspberry Pi-Based Healthcare Robot Utilizing Medical Sensors on Vital Sign Flow Chart for Philippine Public Hospitals.” 1st Runner-up naman ang “Hypoglycemic Effect of Mango (Mangifera indica) Young Bark Extract,” at nag-tie bilang 2nd Runner-up ang “Level of Awareness on Social Issues among Grade 12 Students in Bayambang National High School” at “Biofuel Production: Efficacy of Chicken Eggshell as Ethanol Additive.” 3rd Runner-up ang “Feasibility Study: Squashy Taho.”

Ayon kay Mr. Caguioa, “We believe that through this event, we can promote and showcase the ingenuity of the Bayambangueño’s youth sector and foster scientific and creative solutions that our world is facing.”