Pinarangalan si Mayor Niña Jose-Quiambao ng City of Milpitas, California, USA bilang kauna-unahang babaeng alkalde ng bayan ng Bayambang, sa isang City Resolution na pirmado ng buong Milpitas City Council.

Ito ay inanunsyo ni Sangguniang Bayan Secretary Joel V. Camacho ngayong araw, May 8, 2023, pagkatapos ng Monday flag ceremony sa Balon Bayambang Events Center.

Ang Certificate of Recognition ay iginawad nina Mayor Carmen Montano at Vice-Mayor Evelyn Chua kasama ng buong ng Milpitas City Council.

Isa pang award mula sa Milpitas City Council ay ang komendasyon para sa Bayambang Town Fiesta 2023 Committee dahil sa pagpreserba nito ng kultura at tradisyong Bayambangueño.

Ayon kay SB Secretary Camacho, ang mga naturang pagkilala ay naging posible sa tulong ng Bayambang Association of Northern California, partikular na kay G. Mario Cayabyab, na miyembro ng Bayambang National High School Batch 1980.