Nagsanib pwersa ang mga barangay official ng Amancosiling Norte at ang Alpha Company ng 104th Reserve Battalion ng Philippine Army sa ilalim ng kanilang Company Commander, Coun. Amory Junio, at Battalion Commander, Ret.Col. Leonardo Solomon, para sa isang Tree Planting Activity na ginanap noong ika-7 ng Marso sa may dike sa Amancosiling Norte.

Umabot sa 85 punla ng iba’t-ibang fruit-bearing trees ang naitanim ng grupo sa naturang barangay, at inaasahang magiging kapakipakinabang ang mga ito sa bagong tourist attraction doon na itinatag ng Bayambang Millennial Innovators, ang Bayambang River Cruise.