Ang tradisyunal na Pamaskong Handog para sa mga Kabataan ay dalawampung taon na. Ang grand children’s party na ito ay muling isinagawa noong December 13, 14, at 15 sa Balon Bayambang Events Center. Sa loob ng tatlong araw, muling napuno ng tuwa at saya ang venue dahil dinayo ito ng mga bata at kanilang mga magulang mula sa 77 barangay ng Bayambang. Sila ay enjoy na enjoy sa mga magic tricks, games, mascots, regalong laruan, at food treats na hatid ng Kasama Kita sa Barangay Foundation at Niña Cares Foundation, sa pakikipag-ugnayan sa MSWDO.