Sa ginanap ng 2020 Provincial Health Summit sa Sison Auditorium, Lingayen, Pangasinan, umani ng mga parangal ang ating mga Rural Health Unit at Municipal Nutrition Committee.

Nakuha ng Bayambang Rural Health Units ang Most Outstanding LGU in Covid-19 Response at 2nd Place sa Best Performing LGU sa sa Mental Health Program sa 2020.

Nasungkit naman ng Municipal Nutrition Committee ang ikalawang pinakamataas na puwesto sa Monitoring and Evaluation of Local-Level (Nutrition) Plan Implementation o MELLPI Pro para sa taong 2019.

Pinarangalan din ng personal si Municipal Nutrition Action Officer Venus Bueno bilang MNAO of the Year at Marcelina Macaraeg bilang Most Outstanding Barangay Nutrition Scholar of the Year.

Patunay ito na nagbubunga ang pagpupursige ng ating health cluster upang isulong ang kalusugan at tamang nutrisyon sa ating mamamayan.

Isang mainit na pagbati sa lahat ng bumubuo ng Rural Health Units at Municipal Nutrition Committee!

[smartslider3 slider=2014]