Nakahanda na ang decontamination area malapit sa ating Public Market para sa lahat ng mga mamimili. Mga Bayambangueño, narito ang mga dapat ninyong tandaan bago makapasok sa ating pamilihang bayan:

1. Pumila sa decontamination area na matatagpuan sa TRICYCLE TERMINAL. Siguraduhing maayos ang pila at nasusunod ang social distancing sa lahat ng oras.

2. Bago pumasok sa decontamination area ay magpa-thermal scan muna. Kapag mataas ang iyong body temperature ay hindi maaaring pumasok ng pamilihang bayan.

3. Pumasok sa decontamination area kung saan ka wiwisikan ng disinfectant. Pinapaalam sa lahat na ang disinfectant ay naglalaman ng chlorine na maaaring makasira ng damit kaya huwag munang magsuot ng mamahaling damit kung ikaw ay mamamalengke.

4. Paglabas ng decontamination area ay tatatakan ka bilang patunay na ikaw ay dumaan dito.

SIMULA BUKAS, APRIL 1, ay iisa na lang ang entrance at exit papasok at palabas ng bayan para masiguro na lahat ay dumadaan sa decontamination area.

Lahat ng grocery store ay hinihikayat na gumawa ng footbath para sa bawat entrance ng kanilang establisyemento at magbigay ng alcohol sa kanilang mga customer.

Muling pinapaalala sa lahat na mahalaga ang social distancing para mapigilan na ang pagkalat ng virus. Panatilihin natin ang kalinisan sa pamamagitan ng madalas na paghuhugas ng kamay o paggamit ng alcohol. Kung ikaw ay may karamdaman katulad ng ubo o sipon, ikaw ay magsuot ng mask o mas makabubuti ay mananatili ka na lamang sa bahay. HUWAG NA PO TAYONG LUMABAS NG BAHAY KUNG HINDI NAMAN KINAKAILANGAN. At importante rin na agad na maligo at mag-sabon ng mabuti kung nanggaling sa bayan.

Ginagawa ng Lokal na Pamahalaan lahat ng aming makakaya para maging ligtas tayong mga Bayambangueño mula sa COVID-19. Ang hinihingi lamang po namin ay disiplina at kooperasyon ng lahat upang malagpasan na natin ang pagsubok na ito sa ating bayan.

#BalonBayambang

#TotalQualityService