Alam ba ninyo na, sa mata ng mga mananaliksik, educators, at scholars, kilala ang Bayambang Municipal Library bilang isang library na may koleksyon ng rare books o mga aklat na bihira nang makita?

Kaya naman nais itong ipaalam sa mga Bayambangueño ni Municipal Librarian Leonarda Allado sa pamamagitan ng pag-exhibit nito sa ikalawang palapag ng Municipal Library na matatagpuan sa likod ng Municipal Hall, sa dating tore ng NAWASA.

Kabilang sa koleksyon — na maaaring mabasa lamang sa loob ng naturang pasilidad — ay ang mga salin sa salitang Pangasinan ng mga nobelang “Noli Me Tangere” at “El Filibusterismo” ni Gat Jose Rizal. Ito ay ang “Agmo ak Didiwiten” na salin ni Lourdes Bengson Ungson noong 1963 at “Say Isusungpad Uley” na salin din ni Ungson noong 1964.

Ang iba pang di-pangkaraniwang libro sa koleksyon na ito ay ang mga sumusunod:

“Rizal” (Comision Nacional del Centenario de Jose Rizal, Manila, 1961)

“Ti Pilibusterismo” ni Jose Rizal (1963, Manila: Nailan a Komisyon Dagiti Bannuar)

“Mga Sinulatan sa Panghimanwa” ni Jose Rizal (1962, Manila, Centennial Commision)

“Rizal, Ante los Ojos de sus Contemporáneos” (1961, Comision Nacional del Centerio de Jose Rizal)

“The Letters of Apolinario Mabini” (1965, National Heroes Commision)

“Colección de Documentos Inéditos Relativos al Descubrimiento, Conquista y Organización de las Antiguas Posesiones Españolas de Ultramar.” Tomo 9, De Los Documentos Legislativos, II

“Fort Santiago” ni Pedrito Reyes (1946, Manila: K.P., Collection documents iñeditos, Madrid. 1886)

“Poesias” ni Jose Rizal (Manila, Comision Nacional del Centenario de Jose Rizal Nacional 1872-1896)

“Banaag at Sikat” ni Lope K. Santos (1959, Manila: Manlapaz Publishing Co.)

“Bilay day Sisira ed Dalem na Danom tan Arom niran Sulsulat” ni Pedro U. Sison (no publication date)

“El Legado de España a Filipinas” ni Encarnacion Alzona (Dr. Jose M. Delgado, 1956)

“Tagala Trilogy: A Pageant of the Filipino Race; The Long, Dark Night; Ang Paglilitis kay Gat Jose Rizal” ni Magtanggul Asa (1961, Philippine Book Lovers Society)