Noong Hunyo 22-26, 2023, ipinadala ni Mayor Niña Jose-Quiambao si Municipal Dentist, Dr. Dave Francis Junio, kasama ang iba pang mga dentista mula sa Pangasinan upang maging parte ng “Share, Volunteer Surgical, Medical, & Dental Mission” sa Punta Baja, Rizal, Palawan, isang munisipyo na kulang sa access sa mga public health dentist at pribadong dentista.

Ayon kay Dr. Junio, sinagot ni Mayor Niña ang travel expenses ng grupo upang maging bahagi ng naturang misyon.

Halos 500 na pasyente aniya ang tumanggap ng iba’t-ibang libreng dental services mula sa naturang delegasyon ng Pangasinan dentists.

Ang pagsuportang ito ay bunsod ng request na natanggap ni Mayor Niña mula sa kanyang kaibigang si Ms. Menchie Cervantes.

Ang “Share, Volunteer Surgical, Medical, & Dental Mission” ay inorganisa ng grupo ni Dr. Enrique Victoria na siyang sumagot ng counterpart donation na food and accommodation ng mga participating volunteer dentists at doctors.