Noong ika-27 ng Pebrero, ipinakilala ang official lineup ng Little Mr. and Miss Bayambang 2023, matapos pumasa ang mga ito sa isang screening na inorganisa ni Municipal Administrator, Atty. Rodelynn Rajini S. Vidad.

May 15 na pares mula sa iba’t-ibang barangay ang nagpakilala sa madla, sa kanilang initial presentation sa Balon Bayambang Events Center, na sinalubong naman ng masayang hiyawan at hagalpak na tawanan dahil sa cute na cute at kuwelang-kuwelang introduction ng bawat paslit na contestant.