Nakipag-ugnayan ang ASA Philippines Foundation sa Brgy. Hermoza Nutrition Committee at Nutrition Office ng LGU Bayambang para ipagpatuloy ang pagpapakain sa mga bata ng daycare at preschool sa Brgy. Hermoza.

Nagbibigay sila ng Manna Pack, isang iron-fortified rice, kung saan ang mga sangkap ay niluluto sa barangay.

Ayon sa Nutrition Office, ang ASA Philippines Foundation ay isang epektibong katuwang sa paglaban sa gutom at malnutrisyon, kaya sila ay nagpapasalamat sa patuloy na pagbibigay ng mga pagkain, lalo na ng iron-fortified rice.

Nagsimula ang naturang foundation ng limang araw kada linggo na feeding activity noong September 2022 at magtatapos nga Mayo ngayong taon.