Muling nagkaroon ng pangongolekta ng blood sample ng mga alagang biik mula sa 2nd batch ng African swine fever (ASF) Sentinel program ang Municipal Agriculture Office at si Municipal Veterinarian, Dr. Joselito Rosario, kasama ang mga beterinaryo mula sa Provincial Veterinary Office.

Ito ay ginanap sa Brgy. Reynado, Pangdel at Hermoza noong Martes, November 7, 2022. Layunin nito na mailipat na sa Light Green (Protected Zone) ang bayan mula sa Yellow ASF zoning status. Ang Light Green Zone ay nangangahulugan lamang na may zero case na ang bayan at low-risk na ring maituturing subalit may posibilidad pa rin na mahawa ang mga alagang biik sa mga kalapit na lugar na may yellow zone status.

Nagtungo rin ang MAO at si Dr. Rosario sa mga barangay na nasa may boundary ng bayan upang magsagawa ng information dissemination ukol sa mga dapat at hindi dapat gawin upang maiwasan ang pagkakahawa sa naturang sakit ng kanilang mga alagang biik, matapos mapag-alamang nakapagtala ng panibagong kaso sa mga karatig-bayan.