Mayroong isa na namang bagong mapaipagmamalaki ang ating bayan sa katauhan ni Engr. Zerex T. Terrado, na kamakailan ay pumasa sa 2022 Civil Engineering Licensure Examination. Siya ay anak ni Councilor Martin Terrado II at Brgy. Cadre Site Councilor Virgie Terrado.

Pangalawa ay si ICT Officer Ricky V. Bulalakaw, na pumasa sa Career Executive Service Written Examination (CESWE) na ayon kay Sangguniang Bayan Secretary Joel Camacho ay isang pagsusulit na may pinakamataas na eligibility sa Lokal na Pamahalaan.

Panghuling kinilala ay ang 98 taong gulang na si G. Eduardo G. Caerlang mula sa Brgy. Pangdel bilang tugon sa liham ng mga military veteran na bigyan ito ng regalo sa kanyang kaarawan, kaya naman kumilos ang Municipal Action Office para mapasaya ito sa nalalapit na kaarawan nito sa December 14, 2022. Nakatanggap siya ng cash gift mula kay Mayor Niña Jose-Quiambao at hinandugan naman ng MAC ng cookies, cake, bed foam at gatas na Ensure.

Noong December 5 sa Balon Bayambang Events Center, sila ay kinilala at binigyang papuri at pagbati ng LGU sa pangunguna ni Mayor Niña Jose-Quiambao at Vice Mayor IC Sabangan kasama ang mga miyembro ng Sangguniang Bayan.