Kubota Corp., Bumisita upang Kumustahin ang Kanilang mga Makinarya
Bumisita rito ang kinatawan ng Kubota Corp. galing Japan noong Hulyo 24 upang kumustahin ang paggamit ng mga magsasaka sa kanilang mga makabagong makinarya at alamin kung bakit ang kanilang produkto ang napili ng LGU.
Naroon sina Municipal Agriculture Office head Artemio Buezon, ang dating Seed Inspector na si Ricardo dela Masa, na ngayon ay Operational Manager na ng Farm Mechanization Project ng Mangabul Seed Growers Marketing Cooperative (MSGMC), mga kinatawan ng Bayambang Poverty Reduction Action Team, at si Maricel San Pedro, ang Consultant ng MSGMC, upang iwelcome ang Kubota representative na si Diego Yuji Samezina ng Kubota Japan at Geraldine Abadicio ng Kubota Philippines.
Nag-site visit ang grupo sa isang sakahan sa Bical Norte upang icheck ang mechanized farming project doon gamit ang Kubota rice transplanter.