Pinulong ng Bayambang Poverty Reduction Action Team, sa pakikipag-ugnayan kay Sangguniang Kabataan Federation President Gabriel Tristan Fernandez, ang mga kabataang artist ng Bayambang upang buuin ang grupong tinaguring Young Artists Association of Bayambang. Ginanap ang pagpupulong sa Municipal Conference Room noong June 14, 2019.

Ayon sa BPRAT, layunin nito na magbigay ng venue sa naturang grupo kung saan maaari nilang i-express at i-develop ang kani-kanilang talento sa sining. Ang proyektong ito ay nakapaloob sa Bayambang Poverty Reduction Action Plan 2018-2028, kung saan kailangang lumikha ng grupo na magtataguyod sa arts and cultural life ng bayan sa mga kabataan at malinang ang values ng naturang sektor patungo rito at makalikha ng iba’t-ibang klase ng oportunidad para sa lahat, kabilang na ang paglalayo sa kanila sa masasamang bisyo.